ബറാഅത്ത് സ്മൃതി സംഗമവും പ്രാർത്ഥന സദസ്സും സംഘടിപ്പിച്ചു.

ഉദിനൂർ: പുണ്യങ്ങൾ പെയ്തിറങ്ങുന്ന ശഅബാൻ 15 ന്റെ പ്രാധാന്യം വിളിച്ചറിയിച്ച് കൊണ്ടുള്ള ബറാഅത്ത് സ്മൃതി സംഗമവും ഉദിനൂരിൽ നിന്നും പരിസരപ്രദേശങ്ങളിൽ നിന്നും അടുത്ത ദിവസങ്ങളിലായി മരണപ്പെട്ടവർക്ക് വേണ്ടിയുള്ള പ്രാർത്ഥനയും സംഘടിപ്പിച്ചു. 

ഉദിനൂർ താജുൽ ഉലമ മെമ്മോറിയൽ സുന്നി മദ്രസ മാനേജ്മെൻറ് കമ്മിറ്റിയുടെയും സ്റ്റാഫ് കൗൺസിൽ സംയുക്താഭിമുഖ്യത്തിൽ സംഘടിപ്പിച്ച പരിപാടിയിൽ സദർ മുഅല്ലിം നിസാർ മിസ്ബാഹി പ്രാർത്ഥനക്ക് നേതൃത്വം നൽകി. ടി.കെ.സി മുനീർ മിസ്ബാഹി ഉദ്ബോധന പ്രസംഗം നടത്തി. വി.ടി മുഹമ്മദലി ബാഖവി, ഹുസൈൻ സഖാഫി പെട്ടിക്കൊണ്ട്. എ.ജി താജുദ്ദീൻ മൗലവി, ഇബ്രാഹിം അമാനി, ഹംസ മൗലവി പിലാവളപ്പിൽ, അബ്ദുൽ കരീം മൂപ്പന്റകത്ത്, ടി.പി അബ്ദുൽ റഹീം, എ.ജി ഫിറോസ്, ടി.പി നൗഷാദ്, ടി.പി അബ്ദുൽസലാം ഹാജി, ടി അബ്ദുല്ല മാസ്റ്റർ, എ.കെ കുഞ്ഞബ്ദുള്ള, എൻ അബ്ദുൽ റസാഖ് ഹാജി, എ.ജി ഖാലിദ് ഹാജി, എൻ അബ്ദുൽ റഷീദ് ഹാജി, ടി.സി മുഹമ്മദ് സാനി, റസാഖ് പുഴക്കര, ടി അഷറഫ്, ടി.സി ഇസ്മായിൽ, പി മുഹമ്മദ് അലി, സി ഇബ്രാഹിം,  ടി.സി മുസമ്മിൽ, പി ബഷീർ എടച്ചാക്കൈ, എൻ ഇബ്രാഹിംകുട്ടി, എ.ജി കമറുദ്ദീൻ, ടി.സി അബ്ദുൽ കാദർ ഹാജി, ടി മുഹമ്മദ് കുഞ്ഞി ഹാജി, പി.പി യൂസഫ് ഹാജി, പി.പി അഹമ്മദ് കുട്ടി ഹാജി, എം.ടി.പി മുഹമ്മദ് കുഞ്ഞി, എൻ അബ്ദുൽ സലീം, എം.ടി.പി ശാഹുൽ ഹമീദ്, സി യൂനുസ്, പി.പി അബ്ദുൽ ഖാദർ തുടങ്ങിയവർ സംബന്ധിച്ചു.

സമസ്ത കേരള സുന്നി വിദ്യാഭ്യാസ ബോർഡ് സംഘടിപ്പിച്ച 'സ്മാർട്ട് സ്കോളർഷിപ്പ്' പരീക്ഷയിൽ സംസ്ഥാന തലത്തിൽ ഒമ്പതാം റാങ്കും (8 ആം തരം), കാസറഗോഡ് ജില്ലയിൽ രണ്ടാം റാങ്കും നേടിയ ഉദിനൂർ താജുൽ ഉലമ സുന്നി മദ്രസ വിദ്യാർത്ഥി മുഹമ്മദ് സിദാന് സ്റ്റാഫ് & മാനേജ്മെന്റ് കമ്മിറ്റി വകയായുള്ള ഉപഹാരം വേദിയിൽ വെച്ച് മൂപ്പന്റകത്ത് അബ്ദുൽ കരീം സാഹിബ് സമ്മാനിച്ചു.

ഉദിനൂർ സുന്നി സെന്റർ ഹജ്ജ് യാത്ര അയപ്പ് 2022

 

ഉദിനൂർ സുന്നീ സെന്റർ ഇഫ്താർ മീറ്റ്‌ 2022

പ്രമുഖ രാഷ്ട്രീയ പാർട്ടി പ്രതിനിധികൾ, ഉദ്യോഗസ്ഥ പ്രമുഖർ, നിയമ പാലകർ തുടങ്ങി വിവിധ തുറകളിലുള്ള പ്രമുഖരുടെ സാന്നിദ്ധ്യത്താൽ ഉദിനൂർ സുന്നീ സെന്റർ ഇഫ്താർ മീറ്റ്‌ 2022 ശ്രദ്ധേയമായി.

സുന്നീ സെന്ററിന്റെ വിശാലമായ ഓഡിറ്റോറിയം വൻ ജനാവലിയുടെ സാന്നിദ്ധ്യത്താൽ നിറഞ്ഞ്‌ കവിഞ്ഞു.

കോവിഡ്‌ പ്രതിസന്ധിയിൽ കഴിഞ്ഞ വർഷങ്ങളിൽ മങ്ങലേറ്റ പരിപാടികൾ ഇത്തവണ വമ്പിച്ച ജന പ്രാതിനിധ്യത്താലാണ് സംഘടന നടത്തി വരുന്നത്‌. 

പ്രതിഭകളുടെ അപൂർവ്വ സംഗമം തീർത്ത ധന്യ സദസ്സ്

വ്രത ശുദ്ധിയുടെ പവിത്രമായ പകലിൽ ഉദിനൂർ സുന്നീ സെന്റർ ഇന്ന് (2022 ഏപ്രിൽ 23) വൈവിധ്യങ്ങളായ മുഹൂർത്തങ്ങൾക്ക്‌ സാക്ഷ്യം വഹിച്ചു.

മഹല്ലിലെ കർമ്മ നിരതരായ ഒരു ഡസനോളം വരുന്ന പണ്ഢിത മഹത്തുക്കളുടെ പരമ്പരയിലേക്ക്‌ *ടി.പി റാശിദ്‌ സഅദി, എൻ.ജഅ്ഫർ ഹുമൈദി* എന്നീ രണ്ട്‌ യുവ പണ്ഢിതരും, വിശുദ്ധ ഖുർആൻ ഹൃദിസ്ഥമാക്കിയ മഹല്ലിലെ അര ഡസനിലധികം വരുന്ന അനുഗ്രഹീത ഹാഫിള് ശൃംഘലയിലേക്ക്‌ *പി.മിസ്ബാഹ്‌ അബ്ദുല്ലത്തീഫ്‌* എന്ന മിടുക്കൻ കൂടി കടന്ന് വന്നതിന്റെ സന്തോഷത്തിലായിരുന്നു ഇന്ന് ഉദിനൂരിലെ സുന്നീ സംഘ കുടുംബവും, ദീനീ തൽപ്പരരായ മഹല്ല് നിവാസികളും.

പരേതനായ പി.പി അബ്ദുസ്സലാം മൗലവി - ടി.പി ആസിയ ദമ്പതികളുടെ മകനായ ടി.പി റാശിദ്‌ സഅദി, കാസറഗോഡ്‌ ജാമിഅ സഅദിയ അറബിയ്യയിൽ നിന്നുമാണ് സഅദി ബിരുദം കരസ്ഥമാക്കിയത്‌.
അബ്ദുസ്സലാം മടക്കര - എൻ. നുസ്രത്ത്‌ ദമ്പതികളുടെ മകനായ ജഅ്ഫർ ഹുമൈദി മാട്ടൂല്‍ മന്‍ശഉത്തസ്‌കിയ്യത്തുസ്സുന്നിയ്യയിൽ നിന്നുമാണ് ഹുമൈദി ബിരുദം കരസ്ഥമാക്കിയത്‌.

കെ.ബി അബ്ദുല്ലത്തീഫ്‌ - പുത്തലത്ത്‌ മർളിയ ദമ്പതികളുടെ മകനായ മിസ്ബാഹ്‌ കോഴിക്കോട്‌ അൽ മർകസുൽ ഫാറൂഖി തഹ്ഫീളുൽ ഖുർആൻ കോളേജിൽ നിന്നുമാണ് ഹിഫ്ള് പഠനം പൂർത്തിയാക്കിയത്‌.

ഒപ്പം ഇസ്ലാമിക്‌ എജുക്കേഷൻ ബോർഡ്‌ ഓഫ്‌ ഇന്ത്യയുടെ മദ്രസാ പരീക്ഷയിൽ ഉന്നത വിജയം കരസ്ഥമാക്കിയ ഏഴാം ക്ലാസ്സ്‌ വിദ്യാർത്ഥി *പി.യാസീൻ,* (കെ.ബി അബ്ദുൽ ഖാദർ - പുത്തലത്ത് റാസിഫ ദമ്പതികളുടെ മകൻ),
അഞ്ചാം ക്ലാസ്സ്‌ വിദ്യാർത്ഥി *സൽമാൻ അബ്ദുല്ലത്തീഫ്‌* (കെ.ബി അബ്ദുല്ലത്തീഫ്‌ - പുത്തലത്ത് മർളിയ ദമ്പതികളുടെ മകൻ)
എന്നിവർക്കും, അവരെ ഉന്നത വിജയത്തിന് പ്രാപ്തരാക്കിയ *ഹുസൈൻ സഖാഫി, എ.ജി താജു ഉസ്താദ്* എന്നിവർക്കുമുള്ള ആദരവും നടന്നു.

കൂടാതെ നീണ്ട മൂന്നര പതിറ്റാണ്ട്‌ കാലത്തെ വിശിഷ്ട സേവനം പൂർത്തിയാക്കി സർവ്വീസിൽ നിന്നും വിരമിക്കുന്ന ഉദിനൂർ സൗത്ത്‌ ഇസ്ലാമിയ എ.എൽ.പി സ്കൂൾ പ്രധാനാദ്ധ്യാപിക *ഒ.ടി ഖമറുന്നിസ ടീച്ചർക്കും,* കാസറഗോഡ്‌ ട്രാഫിക്‌ സ്റ്റേഷൻ എ.എസ്‌.ഐ ആയി സ്ഥാനക്കയറ്റം ലഭിച്ച *എ.ജി അഷറഫിനും* സ്നേഹോപഹാരം നൽകിയത്‌ വേറിട്ട അനുഭവമായി.

*പ്രൊഫ: മുഹമ്മദ് സ്വാലിഹ് സഅദിയുടെ* നേതൃത്വത്തിൽ നടന്ന ദിക്‌റ് ദുആ മജ്‌ലിസും, ബദ്ർ അനുസ്മരണ പരിപാടിയും സദസ്സിനെ ആത്മീയാനുഭൂതിയിലാഴ്ത്തി.

കേരള മുസ്ലിം ജമാഅത്ത്‌, യുനീക്‌ ചാരിറ്റബിൾ ട്രസ്റ്റ്‌, എസ്‌.വൈ.എസ്‌, എസ്‌.എസ്‌ എഫ്‌ നേതാക്കളും, ഉദിനൂർ താജുൽ ഉലമാ മെമ്മോറിയൽ സുന്നീ മദ്രസാദ്ധ്യാപകരും വിവിധ ചടങ്ങുകൾക്ക്‌ നേതൃത്വം നൽകി.