ദുബൈയിലെ പഴയകാല സുന്നി പ്രവർത്തകർ നാട്ടിൽ സംഗമിക്കുന്നു.
80 കളിൽ ദുബൈയിലെ സുന്നി സംഘടനാ പ്രവർത്തനത്തിന് തുടക്കം കുറിക്കുകയും അതിന് വെള്ളവും, വളവും നൽകി വളർത്തിയെടുക്കുകയും ചെയ്ത പഴയ കാല സുന്നി പ്രവർത്തകർ ജൻമ നാട്ടിൽ ഒത്തുചേരുന്നു.
2024 ഓഗസ്റ്റ് 25 ഞായർ ഉച്ചക്ക് 2.30ന് തളിപ്പറമ്പ് അൽ മഖറാണ് ഈ അപൂർവ്വ സംഘമത്തിന് വേദിയാവുക.
ഒന്നിച്ച് പ്രവർത്തിച്ച പഴയകാലാനുഭവങ്ങൾ പങ്ക് വെക്കാനും, പരസ്പര സൗഹൃദം ഊട്ടിയുറപ്പിക്കാനും, വീണ്ടുമൊരിക്കൽ കൂടി പരസ്പരം കാണാനും ഉദ്ദേശിച്ച് കൊണ്ടുള്ള ഈ കൂടിച്ചേരൽ എന്ത് കൊണ്ടും വേറിട്ട അനുഭവമാകും.
ഗൾഫിനോട് വിട പറഞ്ഞെത്തിയിട്ടും പഴയ കാല ആവേശം ഒട്ടും ചോർന്നു പോകാതെ നാട്ടിൽ സംഘടനാ, സ്ഥാപന കമ്മിറ്റികളിൽ സജീവ സാന്നിധ്യമായി പ്രവർത്തിക്കുകയാണ് പല പഴയ കാല പ്രവർത്തകരും.
കേരളത്തിന്റെ വിവിധ ഭാഗങ്ങളിൽ കഴിയുന്ന അത്തരം പഴയകാല സഹപ്രവർത്തകരെ ഈ അപൂർവ്വ സംഗമത്തിലേക്കെത്തിക്കുവാനുള്ള തീവ്ര ശ്രമത്തിലാണ് ഇപ്പോൾ സംഘാടകർ.
മിഡിലീസ്റ്റിലെ തന്നെ മൊത്തം സംഘടനാ സംവിധാനങ്ങൾക്ക് മാതൃകയാകും വിധം ദുബൈയിലെ സംഘടനാ പ്രവർത്തനങ്ങൾക്ക് ചടുലഭാവം നൽകിയ പഴയകാല നേതാക്കൾ തന്നെയാണ് ഇത്തരമൊരു കൂട്ടായ്മക്ക് പിന്നിൽ പ്രവർത്തിക്കുന്നത്. 25ന് നടക്കുന്ന ഈ സംഗമത്തിൽ പങ്കെടുക്കാൻ ആഗ്രഹിക്കുന്നവർ താഴെ കാണുന്ന നമ്പറിൽ ബന്ധപ്പെടുക: 9747950070
