ഉദിനൂർ താജുൽ ഉലമാ മെമ്മോറിയൽ സുന്നീ മദ്രസ വിദ്യാരംഭം

ഉദിനൂർ താജുൽ ഉലമാ മെമ്മോറിയൽ സുന്നീ മദ്രസ വിദ്യാരംഭം

'ഫത്‌ഹേ മുബാറക്‌' അവിസ്മരണീയമായി.

പ്രമുഖ പണ്ഢിതനും, സൂഫീ വര്യനും, തൃക്കരിപ്പൂരിന്റെ ആത്മീയ ജ്യോതിസുമായ സയ്യിദ്‌ ശാഹുൽ ഹമീദ്‌ തങ്ങളുടെ പൗത്രൻ സയ്യിദ്‌ അൻവർ ഇബ്രാഹീം അൽ ബുഖാരി തങ്ങൾ നവാഗതർക്ക്‌ അലിഫ്‌ കുറിച്ചു കൊടുത്തു.

കേരള മുസ്ലിം ജമാഅത്ത്‌ ഉദിനൂർ യൂനിറ്റ്‌ പ്രസിഡന്റും, പ്രമുഖ പണ്ഢിതനും, ജാമിഅ: സഅദിയ ശരീഅത്ത്‌ കോളേജ്‌ മുദരിസുമായ പ്രൊഫ: മുഹമ്മദ്‌ സ്വാലിഹ്‌ സഅദി ഉസ്താദ് കുട്ടികൾക്ക്‌ ആദ്യാക്ഷരം ചൊല്ലിക്കൊടുത്തു.

കേരള മുസ്ലിം ജമാഅത്ത്‌  എസ്‌.വൈ.എസ്‌, എസ്‌.എസ്‌.എഫ്‌ നേതാക്കളും പ്രവർത്തകരും, രക്ഷിതാക്കളും ചടങ്ങിന് സാക്ഷിയായി.

Photo: Ali Puthalath...

ഉദിനൂർ താജുൽ ഉലമ മെമ്മോറിയൽ സുന്നീ മദ്രസ: മീലാദ് കാമ്പയിൻ

സൗത്ത് സ്കൂൾ പൂർവ്വ വിദ്യാർത്ഥി സംഗമവും വികസന സെമിനാറും ശ്രദ്ധേയമായി

ഉദിനൂർ സൗത്ത്‌ ഇസ്ലാമിയ എ.എൽ.പി സ്കൂൾ പൂർവ്വ വിദ്യാർത്ഥി സംഗമവും വികസന സെമിനാറും ശ്രദ്ധേയമായി

.....

ഒമ്പതു പതിറ്റാണ്ടിലധികമായി തലമുറകൾക്ക്‌ അക്ഷര വെളിച്ചം നൽകുന്ന ഉദിനൂർ സൗത്ത്‌ ഇസ്‌ലാമിയ സ്കൂളിന്റെ സമഗ്ര വികസനം ലക്ഷ്യമിട്ട്‌ സംഘടിപ്പിച്ച പൂർവ്വ വിദ്യാർത്ഥി സംഗമവും വികസന സെമിനാറും ശ്രദ്ധേയമായി.

സമൂഹത്തിന്റെ വിവിധ തുറകളിലുള്ള പൂർവ്വ വിദ്യാർത്ഥികളും മുൻ അദ്ധ്യാപകരും പരിപാടിയെ ധന്യമാക്കി.

എ.സി അത്താഉല്ല മാസ്റ്ററുടെ സ്വാഗത ഭാഷണത്തോടെ ആരംഭിച്ച പരിപാടി ത്രിക്കരിപ്പൂർ ഗ്രാമ പഞ്ചായത്ത്‌ വൈസ്‌ പ്രസിഡന്റ്‌ എൻ.സുകുമാരന്റെ അദ്ധ്യക്ഷതയിൽ പടന്ന ഗ്രാമ പഞ്ചായത്ത്‌ പ്രസിഡന്റ്‌ പി.സി ഫൗസിയ ഉൽഘാടനം ചെയ്തു.

ഹെഡ്‌ മിസ്ട്രസ്‌ ഒ.ടി ഖമറുന്നിസ വികസന രേഖ അവതരിപ്പിച്ചു. കെ.നാരായണൻ (ബി.പി.ഒ) വിഷയാവതരണം നടത്തി.

മുൻ അദ്ധ്യാപകരായ കെ.വി കൃഷ്ണൻ മാസ്റ്റർ, എ.വി ചെറിയമ്പു മാസ്റ്റർ, മുൻ അദ്ധ്യാപകനും യുനീക്‌ ചാരിറ്റബിൾ ട്രസ്റ്റ്‌ ജനറൽ സെക്രട്ടരിയുമായ ടി.അബ്ദുല്ല മാസ്റ്റർ, പൂർവ്വ വിദ്യാർത്ഥികളായ സുരേന്ദ്രൻ (കാർഷിക കോളേജ്‌ ഫാം മാനേജർ), വി.എം ബാലൻ മാസ്റ്റർ, സി. അബ്ദുൽ ഖാദർ എന്നിവർ ആശംസ അർപ്പിച്ച്‌ സംസാരിച്ചു.

മുൻ അദ്ധ്യാപകരായ കൃഷ്ണൻ മാസ്റ്റർ, ചെറിയമ്പു മാസ്റ്റർ, അബ്ദുല്ല മാസ്റ്റർ, ഷൈലജ ടീച്ചർ എന്നിവരെയും, മുതിർന്ന പൂർവ്വ വിദ്യാർത്ഥികളായ എ.കെ ഉസിനാർ, ടി.സി മറിയുമ്മ എന്നിവരെയും ആദരിച്ചു. ടി.സുഹറ ടീച്ചർ കൃതജ്ഞത പറഞ്ഞു.